Preparando la visita a Estrasburgo

Enlaces a: La Voz de Galicia (Edición dixital) e Xornal Certo (Xornal dixital do Barbanza)

 (La Voz de Galicia, 18 de febreiro 2014)

O IES PRAIA BARRAÑA PREPARA A VISITA A ESTRASBURGO

Logo de gañar o Concurso Euroscola 2013 (concurso organizado polo oficina de información do Parlamento Europeo en España) o alumnado do IES Praia Barraña está a preparar a visita o europarlamento na súa sede en Estrasburgo. 

O próximo 28 de Febreiro será a data na que o alumnado de 2º de Bacharelato visitará o parlamento e terá ocasión de compartir no hemiciclo a experiencia con alumnado chegado de moitos outros países da Unión Europea. Unha vez chegados o edificio Louise Weiss e instalados os estudantes nos escanos dos deputados europeos, procederase a presentación do Parlamento Europeo e da Unión Europea por administradores do Parlamento Europeo. A continuación será o turno dos estudantes nos que un representante de cada instituto procederá a presentar o seu instituto e a súa cidade. 

Dentro do programa previsto para ese día o alumnado está a preparar unha serie de debates que se desenvolverán principalmente en inglés sobre algúns dos temas de actualidade como poden ser as próximas eleccións europeas, o problema da busca de emprego, a liberdade de información, o futuro de Europa, como frear o desperdicio de alimentos ou o desenvolvemento sostible e o uso das enerxías renovables. O alumnado ocupara os escanos que habitualmente empregan os eurodiputados e empregará o mesmo sistema de votación que eles empregan para tomar determinados acordos. 

O alumnado compartirá esta xornada con máis de 500 estudantes chegados de Bélxica, Reino Unido, Italia, Alemania, Francia, Dinamarca, Finlandia e así ata un total de 22 países que estarán representados cada un deles por un instituto con 24 estudantes.

Ademais no programa da viaxe está tamén a visita a parte histórica da cidade de Estrasburgo. O alumnado terá a oportunidade de coñecer a catedral, o reloxo astronómico, o Palais Rohan, La Petit France ou a popular Place Kléber…… 

A financiación obtida como parte do premio cubrirá a gran parte dos custos de desprazamento e aloxamento para o grupo de 24 alumnos/as acompañados por dúas profesoras que chegarán a Estrasburgo o próximo 25 de febrero e voltarán o 1 de marzo.

 Alumnado e profesorado do IES Praia Barraña que viaxará a Estrasburgo